પગલાં

પગલાં

ધકેલાઈ અંધારે કૂટાતાં પગલાં

હતાં ઝાડુ પછવાડે ભૂંસાતા પગલાં

લપાતાં-છુપાતાં હતાં કાલ કિન્તુ

દૃઢનિશ્ચયે આજ મુકાતાં પગલાં

તમે સાવ નિર્મૂળ કરવાને ઇચ્છ્યા

હર કેડીએ  તો ય દેખાતાં પગલાં

અર્ધેથી નીચે નહીં ઊતરે એ

મચ્છ વેધવા કાજ ઠેકાતાં પગલાં

ભલે કાં ધગધગતા શીશાથી રક્ષ્યા

ઈશારે ઈશારે ય મંડાતાં પગલાં

નહીં ચાલે ભાષા વ્યભિચાર કહીને

જુદી કો’ દિશામાં જ ફંટાતાં પગલાં

ભલે કાપો રહેંસો ફરી ઉગવાનાં

પ્રસ્વેદ લોહીથી પોષાતાં પગલાં