મેઘધનુષ

હું એક સ્ત્રી છું

રૂડી, રૂપાળી, નાજુક, નમણી સ્ત્રી

મારો દેહ તો છે ગૌણ

જેને તું હંમેશ જુએ છે

પણ મારા દેહમાં છે

ખેતરમાં બી અંકુરાય એમ

ફણગાયેલું મન-

અસીમ સંભાવનાથી સભર

જેને તું જુએ છે ક્યારેક જ

ને તેય અછડતી નજરે

દોસ્ત માંડ નજર મારા મન ઉપર

ને જો કેટકેટલા રંગો પડ્યા છે

વેરવિખેર

ઉપાડ રંગનો એક એક તાંતણો

ને  એમાં ભેળવ તારો સૂર

ને ચાલ આપણે મેળવીએ

તાલમાં તાલ

અને રચીએ નાચતું ગાતું

મેઘધનુષ.

(રાજભાષા)