બંધ મિલનું વેરાન

બંઘ મિલનું વેરાન તને મોકલું,

વીસ સદીઓની શાન તને મોકલું .

મોકલતાં મોકલતાં ખૂટે ન આંસુ ને

એવી જ ભુખ વણખૂટી,

તડકા ને છાયડામાં તડકો જીત્યો ને ક્યાંક

આયખાની દોર ગઈ તૂટી,

ચીખે સળગેલો જાન તને મોકલું,

બંધ મિલનું વેરાન તને મોકલું.

નાનાં મકાનોમાં થનગનતી શાન આજે

મારી કરે છે મજાક,

પરસેવે રેબઝેબ આંખોને લાગે છે

આખા યે આયખાનો થાક,

દેખ લોહીનાં વેચાણ તને મોકલું

વીસ સદીઓંની શાન તને મોકલું.                            

 

(નયામાર્ગ)